السبت، أكتوبر 06، 2007

جزاء من يطلب الطلاع على كارنيه الباشا - كرامة المصري بتتباع روبابكيا

طاهر انسان مهذب و لكنه شجاع دخل عليه في مكان عمله بتاع من بتوع أمن الدوله يسالوا عن عمه و الذي طبعا هو أخوان طاهر عن نفسه مش اخوان و لكنه بيحب أيمن نور طبعا و اخوان او غد مش مهم المهم رفض طاهر أن يتحدث في اي شيئ قبل أن يرى الكارنيه - مش هو ده الصح - غلبان يا طاهر متوقع أنك في بلد بجد و وطن بجد و لك حقوق بجد مش كده و كده و ان أمن مبارك خلاها عزبه و احنا تمليه و ربما التمليه تم معاملتهم أفضل ....المهم شيل الشاب المصري الذي تجرا على السلطه القمعيه و مارس حقه في معرفة من يتحدث معه و يلا على مقر أمن الدوله و غمي العنيين و دخلوه للباشا الكبير - مش عارف كبير في أيه بالظبط - و اثناء الحوار كانت ايدي المجرميين الفاسدين تضرب الشاب المصري المحترم الخريج لان الباشا زعلان أولا لأنه تجرأ على تابع من توابعه و ثانيا لأنه مش متعاون معاه - شيئ مخجل و مقرف و يتباع فيها أوطان بحالها - هل يمكن تعويض الأنسان عن كرامته و ما هذا التوحش و الفجر و كيف يحول النظام القمعي و رجاله شبابنا ألى قنابل متفجره تريد الأنتقام لكرامتها الشيئ الأيجابي الوحيد ان طاهر مصمم على اخذ حقه من الدوله- و كأن هناك دوله و يريد حقه و كافة التفاصيل لدينا و الشهود و تفاصيل أكثر للواقعه ده لو كان حد مهتم بما تبقى لنا من كرامه ضيعها و داس عليها نظام مبارك و رجالههذه هي الصور كامله و لنتذكر اننا قد نكون في ذات الموقف ذات يوم أما آن لهذه الجثث التى تسمي المصريين أن تتحرك

هناك 5 تعليقات:

عمر الشرقاوى يقول...

لا حول ولا قوه الا بالله العلى العظييم لقد ادميه قلبى والامتنى والله انهم بذلك يصنعون الارهاب لا والعجيب ان حسنى يقولك ايه العنف لا يولد الا عنف
انهام زبانيه جنهم يارب ياتهديهم ياتخدهم وارحم شعب مصر من زبانيه الدخليه وكبير الدهاشنه

غير معرف يقول...

eng.muslimah
لا حول ولا قوه الا بالله
اللهم من تولي امر من امور المسلمين وشق عليهم فاشقق عليه
ده كان دعاء النبي صلي الله عليه وعلي اله واصحابه وسلم
ده بس عشان متفهمش غلط ويقولوا اني بدعي علي الباشوات الكبار اوي

مسلمه يقول...

لا حول ولا قوه الا بالله

جبهة التهييس الشعبية يقول...

عايزاك ضروري

nawaranegm@yahoo.com

nawara_negm@yahoo.com

او خد نمرتي من عمر الشرقاوي وكلمني ضرور جدااااااااا

المصرى الجديد يقول...

قوله ميقلقش مصيره يوم ياخد حقه
ربنا مبيردش بالظلم
http://newegyption.blogsome.com/