الثلاثاء، فبراير 12، 2008

دائما الطبخة لا تكتمل ألا بأضافة البقدونس.....!!!!!

أنا و لله الحمد لا أعرف حتى الأن لماذا يتصارع 22 راجل محترم على قطعة جلد منفوخه هواء....بمعنى أصح أنا لا أفقه شيئ في كرة القدم و لكن طبعا أذا ُذكرت مصر هتف قلبي معها قبل لساني و لذلك بالطبع كنت في غاية السعاده لفوز المنتخب ببطولة أفريقيا على الأقل شالت هم الصفر الكبير الذي حصلنا عليه في تصويت كاس العالم بسبب المكانه المتقدمة التى وضعتنا فيها السياسه الحكيمة لقيادتنا الرشيده......!!!المهم و بصراحه أنا من فترة طويله تصالحت مع نفسي من غير دروس يوجا علشان اقبل نسبة كل شيئ جيد لمعالي الرئيس و ابعاد كل شيئ سيئ عن معاليه فهو لا يأتيه الباطل أبدا حاشا لله .....
قبلت أن يكون هو السبب في كل أنجاز بنحققه بعد طلوع الروح فطبيعي اذا و الحال كذلك أن يكون هو طبعا السبب المباشر و و الرئيسي بلاش الوحيد عشان منبقاش منافقين في هذا الفوز و طبيعي أن يتم أهدائه هذا الفوز طبعا باعتباره ابو مصرطيب و ليه ابوها منهدي الأنجاز لمصر مباشرة و بأعتبار أنه أبوها المفروض أنه حيفرح زي عيالها أحنا يعني و لكن معلش يا أحمد مشيها علشان أنت متصالح مع نفسك و لا مفر من قدر الله ماهو رئيس الجمهوريه غصب عنك مااااااشي حااااااضر هو الربان و الطيار و الأب و كل حاجه خلاص فهمت و قبلت و سلمت أنه لابد أن يظهر في الصوره و يعانق أصحاب الأنجاز.....جميل كده
بس الذي لا اقبله و لو غنى كورس النفاق من الأن لبكره الصبح الباشا جمال و الباشا علاء أيه صفتهم في البلد بالضبط علشان يشاركوا في هذا الحدث و يتصورا ....؟؟؟؟طيب الباشا جمال أمين سياسات مش عارف أيه كده ماشي فوق راسي يعني كادر حزبي طيب ماهناك عشرات الكوادر الأخرى في الوطني المطنطن و الأحزاب الأخرى مش هي مساواه و لا ايه يعني.....!!!!!!و الباشا علاء أيه بالظبط في البلد علشان أنا يظهر فقدت الذاكره........؟؟؟؟طبعا لا يوجد غير سبب واحد أنهم ابناء الرئيس طيب فين ولاد نظيف و ولاد صفوت و غيرهم طالما القرابه اصبحت منصب و يراعى في البروتكول طيب مكلهم ولاد مسئولين..........آه مش فاهم و مش حفهم البلد بتدار أزاي ....؟؟؟؟هل بتدار زي الطبيخ و لابد من وضع البقدونس في كل شيئ وافقت أم رفضت أحببت أم كرهت ....؟؟؟؟

هناك تعليق واحد:

مهندس مصري يقول...

و البقدونس أهم حاجة
:(